27 Sentyabr – Anım Günü ilə əlaqədar Azərbaycan Dövlət İqtisad Universitetinin nəzdində Qida Sənayesi Kollecinin müəllim və tələbələrinin Zəfər Muzeyinə ziyarəti təşkil edilmişdir. Ziyarətin keçirilməsində məqsəd Azərbaycan Respublikasının ərazi bütövlüyünün və suverenliyinin bərpası uğrunda canından keçmiş şəhidlərin əziz xatirəsinin yad edilməsi, tələbələrə Vətən müharibəsinin tarixi əhəmiyyəti barədə məlumatların çatdırılması, onların milli-mənəvi dəyərlərə və tarixi irsə hörmət ruhunda tərbiyə olunmasının təmin edilməsidir

27 Sentyabr – Anım Günü ilə əlaqədar Azərbaycan Dövlət İqtisad Universitetinin nəzdində Qida Sənayesi Kollecində tələbələrin vətənpərvərlik ruhunda tərbiyə olunması, milli-mənəvi dəyərlərə bağlılığının gücləndirilməsi və Vətən müharibəsi şəhidlərinin əziz xatirəsinin yad edilməsi məqsədilə kollecin Humanitar FBK-nin müəllimi Ruhəngiz Fətəliyevanın təqdimatında seminar keçirilmişdir.

21 sentyabr - Beynəlxalq Sülh Günü. UNEC nəzdində Qida Sənayesi Kollecində 21 sentyabr Beynəlxalq Sülh Günü münasibətilə sülhün, həmrəyliyin və qarşılıqlı anlaşmanın əhəmiyyətinə həsr olunmuş dəyirmi masa keçirilib.

20 Sentyabr –Dövlət Suverenliyi Günü Qida Sənayesi Kollecində 20 Sentyabr – Dövlət Suverenliyi Günü ilə bağlı dəyirmi masa keçirilib. Dəyirmi masa kollecin tarix müəllimi Vüsalə Kazımovanın təşkilatçılığı ilə baş tutub. Tədbir zamanı Azərbaycanın dövlət suverenliyi, müstəqilliyin və ərazi bütövlüyünün qorunmasının əhəmiyyəti və məsuliyyəti barədə fikir mübadiləsi aparılıb. Suverenliyimiz əbədi, dövlətçiliyimiz daim möhkəm olsun!

15 sentyabr 2026-cı il tarixində UNEC nəzdində Qida Sənayesi Kollecində yeni tədris ilinin başlanması və Bilik Günü münasibətilə tədbir keçirilib. Tədbirdə Kollecin direktoru çıxış edərək tələbələri yeni tədris ili münasibətilə təbrik edib, onlara təhsildə uğurlar, yüksək nəticələr və yeni nailiyyətlər arzulayıb. Direktor çıxışında tələbələri qarşıya qoyduqları məqsədlərə inamla addımlamağa, bilik və bacarıqlarını daim inkişaf etdirməyə çağırıb.

UNEC nəzdində Qida Sənayesi Kollecində yeni tədris ilinin ilk günü xoş anlarla yadda qaldı. Tələbələrimizlə görüşlər, çıxışlar və uğur qazanan tələbələrin təltif olunması ilə başlayan yeni tədris ilində hər kəsə uğurlar arzulayırıq!

Diplomların elektronlaşdırılması uğurla yekunlaşdırılmışdır Azərbaycan Respublikasının elm və təhsil naziri cənab Emin Əmrullayevin müvafiq əmrinə əsasən, diplom məlumatlarının elektron informasiya sisteminə inteqrasiyası Qida Sənayesi Kollecində uğurla və tam şəkildə başa çatdırılmışdır.