Diplomların elektronlaşdırılması uğurla yekunlaşdırılmışdır Azərbaycan Respublikasının elm və təhsil naziri cənab Emin Əmrullayevin müvafiq əmrinə əsasən, diplom məlumatlarının elektron informasiya sisteminə inteqrasiyası Qida Sənayesi Kollecində uğurla və tam şəkildə başa çatdırılmışdır.

UNEC nəzdində Qida Sənayesi Kollecində gənclərin zərərli vərdişlərdən qorunması, sağlam həyat tərzinin təbliği və rəqəmsal mühitdə mövcud olan təhlükələr barədə məlumatlandırılması məqsədilə “Rəqəmsal mühitdə gizli narkotik riskləri və sağlam həyat tərzinin təşviqi” mövzusunda maarifləndirici tədbir keçirimişdir.

UNEC nəzdində Qida Sənayesi Kollecində “Qeyri-rəsmi məşğulluğun qarşısının alınması və əmək münasibətlərinin rəsmiləşdirilməsi” mövzusunda seminar keçirilib. Seminarda kollecin əməkdaşları iştirak ediblər. Tədbir zamanı Kollecin İnsan resursları şöbəsinin müdiri Günel Hacıyeva tərəfindən qeyri-rəsmi məşğulluğun mahiyyəti, onun işçilər və işəgötürənlər üçün yaratdığı risklər, əmək müqaviləsinin əhəmiyyəti, işçilərin əsas hüquqları və işəgötürənlərin vəzifələri barədə ətraflı məlumat verilib.

Respublikamızda uşaqların hüquq və mənafelərinin müdafiəsinin təmin edilməsi dövlət siyasətinin prioritet istiqamətlərindən biridir. Bu məqsədlə qəbul edilmiş Dövlət Proqramı uşaqların sosial rifahının yüksəldilməsi, təhsil, səhiyyə və təhlükəsizlik hüquqlarının qorunması, eləcə də onların hərtərəfli inkişafının təmin edilməsinə yönəlmiş tədbirləri özündə birləşdirir.

UNEC nəzdində Qida Sənayesi Kollecində korrupsiyaya qarşı mübarizə sahəsində maarifləndirmə işlərinin gücləndirilməsi və şəffaf idarəetmə prinsiplərinin təbliği məqsədilə “Korrupsiyaya qarşı mübarizə” mövzusunda dəyirmi masa keçirilmişdir. Tədbirdə korrupsiyanın cəmiyyətin inkişafına və dövlət idarəçiliyinin səmərəliliyinə mənfi təsirləri geniş şəkildə müzakirə edilmiş, etik davranış qaydalarına əməl olunmasının, şəffaflıq və hesabatlılıq prinsiplərinin tətbiqinin sağlam idarəetmə mühitinin formalaşmasında mühüm rol oynadığı vurğulanmışdır.

UNEC nəzdində Qida Sənayesi Kollecində Ümumdünya Qida Təhlükəsizliyi Gününə həsr olunmuş dəyirmi masa keçirilib. 7 İyun – Ümumdünya Qida Təhlükəsizliyi Günü münasibətilə UNEC nəzdində Qida Sənayesi Kollecində dəyirmi masa təşkil olunub.

UNEC nəzdində Qida Sənayesi Kolleci 2026/2027-ci tədris ili üçün aşağıdakı ixtisaslar üzrə ümumi orta (9 illik) və tam orta (11 illik) təhsil bazasından tələbə qəbulunu elan edir. İxtisas seçimi və qəbul qaydaları ilə bağlı ətraflı məlumat almaq üçün bizimlə əlaqə saxlayın. (012) 323 54 12 (055) 834 18 84